நான் இன்னமும் மதுரை ஆதீனமாகவே இருக்கிறேன்!: நித்தியானந்தா

தாம் இன்னமும் மதுரை இளம் ஆதீனமாகவே நீடிப்பதாக, நித்தியானந்தா மதுரை நீதிமன்றத்தில் மனுத் தாக்கல் செய்துள்ளார்.

மதுரை ஆதீனத்தின் இளம் ஆதீனமாக நியமிக்கப்பட்ட நித்தியானந்தாவை,மதுரை ஆதீனம் திடீரென்று நீக்கம் செய்தார். அப்போது செய்தியாளர்களிடமும், நித்தியானந்தாவை நீக்கிவிட்டதாக பகிரங்க அறிவிப்பு விடுத்தார். இந்நிலையில் தாம் இன்னமும் மதுரை ஆதீனத்தின் துணை ஆதீனமாக நீடிப்பதாக நீதிமன்றத்தில் நித்தியானந்தா மனுத் தாக்கல் செய்தார்.

அந்த மனுவில் தமக்கும் மதுரை ஆதீனத்துக்கும் இடையில் கருத்து வேறுபாடு நிலவிவருகிறது என்றும், இது நீங்கிவிட்டால் பிரச்சனைத் தீர்ந்து விடும் என்றும் நித்தியானந்தா கூறியுள்ளார். இந்த மனுவை விசாரித்த நீதிபதி, மதுரை ஆதீனம் இதுக்குறித்து விளக்கம் அளிக்க வேண்டும் என்று உத்தரவிட்டுள்ளார்.

http://www.4tamilmedia.com/newses/india/24959-2014-08-07-06-27-16

--------------------------------------------------------------------------------------------------------------------------------------------------

நித்யானந்தா மனுவுக்கு பதிலளிக்க ஆதீனத்துக்கு நீதிமன்றம் உத்தரவு

By மதுரை

First Published : 07 August 2014 07:26 AM IST

நித்யானந்தா மனுவுக்குப் பதில் அளிக்குமாறு மதுரை ஆதீனம் உள்ளிட்ட 3 பேருக்கு மதுரை மாவட்ட நீதிமன்றம் புதன்கிழமை உத்தரவிட்டுள்ளது.

 மதுரை ஆதீனமடத்தின் மடாதிபதியாக நித்யானந்தாவை கடந்த 2012-ல் நியமித்து ஆதீனம் அறிவித்தார். இதற்கு இந்து அமைப்புகள் சார்பில் பலத்த எதிர்ப்புக் கிளம்பியது. சென்னையைச் சேர்ந்த மணிவாசகம், கும்பகோணம் தியாகராஜன் ஆகியோர் நித்யானந்தாவின் நியமனத்தை எதிர்த்து மதுரை மாவட்ட முதன்மை செஷன்ஸ் நீதிமன்றத்தில் மனுத்தாக்கல் செய்தனர்.  

இதற்கிடையே நித்யானந்தாவை ஆதீனத்திலிருந்து நீக்கியதாக மதுரை ஆதீனம் அறிவித்தார்.

ஆனால், வழக்கின் விசாரணை கடந்த ஜனவரியில் நடந்தபோது, நித்யானந்தா சார்பில் தாக்கல் செய்யப்பட்ட மனுவில், தான் மடாதிபதிபதவியிலிருந்து நீக்கப்படவில்லை எனவும், ஆதீனத்துக்கும், தனக்கும் கருத்துவேறுபாடு ஏற்பட்டிருப்பதாகவும், இந்து சமய அறநிலையத்துறை 59 வது விதிப்படி மனு உரிய அனுமதியின்றி தாக்கல் செய்யப்பட்டுள்ளதால் நிலைநிறுத்தத் தக்கதல்ல என குறிப்பிடப்பட்டிருந்தது.

  மேலும், வழக்கில் தான் பாதிக்கப்பட்டிருப்பதால் ஆதீனத்தை 3 வது எதிர்தரப்பாகச் சேர்த்து விசாரிக்கவேண்டும் என மனுவில் கூறியிருந்தது.  விசாரணையில் மதுரை ஆதீனம் தரப்பில் தாக்கலான பதிலில் நித்யானந்தா நீக்கப்பட்டதால் வழக்கைத் தொடர்ந்து நடத்த விரும்பவில்லை எனக் குறிப்பிடப்பட்டிருந்தது.

 இந்தநிலையில், மனு விசாரணை புதன்கிழமை வந்தபோது, நித்யானந்தா மனு குறித்து வரும் 13-ஆம் தேதிக்குள் பதில் அளிக்குமாறு மதுரை ஆதீனம் மற்றும் எதிர் மனுதாரர்கள் மணிவாசகம், தியாகராஜன் ஆகியோருக்கு நீதிபதி இளவழகன் உத்தரவிட்டார்.

http://www.dinamani.com/latest_news/2014/08/07/%E0%AE%A8%E0%AE%BF%E0%AE%A4%E0%AF%8D%E0%AE%AF%E0%AE%BE%E0%AE%A9%E0%AE%A8%E0%AF%8D%E0%AE%A4%E0%AE%BE-%E0%AE%AE%E0%AE%A9%E0%AF%81%E0%AE%B5%E0%AF%81%E0%AE%95%E0%AF%8D%E0%AE%95%E0%AF%81-%E0%AE%AA%E0%AE%A4%E0%AE%BF%E0%AE%B2/article2368245.ece

http://www.nakkheeran.in/Users/frmNews.aspx?N=126646