'நித்தி'க்கு அடுத்த சிக்கல்

பெங்களூரு: "நித்யானந்தாவுக்கு, குழந்தைகள் பாத பூஜை செய்வது குறித்து விசாரணை நடத்த, பிடதி ஆசிரமத்துக்கு செல்ல உள்ளேன்,” என, கர்நாடக மகளிர் மற்றும் குழந்தைகள் நலத்துறை அமைச்சர், உமாஸ்ரீ தெரிவித்தார்.பிடதி ஆசிரம குருகுல பள்ளியில் படிக்கும் சிறுவர்கள், நித்யானந்தா காலில் விழுந்து வணங்கி, பாத பூஜை செய்வதாக, கர்நாடக அமைச்சர் உமாஸ்ரீயிடம், பல்வேறு அமைப்பினர், புகார் தெரிவித்தனர்.இதற்கு பதிலளித்து, அமைச்சர் உமாஸ்ரீ கூறியதாவது:தற்போது, நித்யானந்தா, எத்தகைய இக்கட்டில் சிக்கிஉள்ளார் என்பது, அனைவருக்கும் தெரியும்; இந்த சூழ்நிலையில், அவர் இப்படியொரு செயலில் ஈடுபட்டுஇருப்பது ஆச்சரியத்தை அளிக்கிறது. தன்னை சூழ்ந்து உள்ள ஆபத்தை உணராமல், அவர் நடந்து கொள்கிறார்.சிறுவர்கள் பாத பூஜை செய்தது உண்மை என்று தெரிய வந்தால், நித்யானந்தா மீது நடவடிக்கை எடுக்கப்படும்.இவ்வாறு, அவர் கூறினார்.

http://www.dinamalar.com/news_detail.asp?id=1072969