ನಿತ್ಯಾನಂದ 'ರಕ್ತ ಬೀಜಾಸುರ ದೇವ'ನಂತೆ!

ಬೆಂಗಳೂರು: ನಾನು 'ರಕ್ತ ಬೀಜಾಸುರನಲ್ಲ ರಕ್ತ ಬೀಜಾಸುರ ದೇವ' ಇದು ರಾಸಲೀಲೆ ಪ್ರಕರಣದ ಆರೋಪಿ ಬಿಡದಿ ಪೀಠಾಧ್ಯಕ್ಷ ನಿತ್ಯಾನಂದನ ಹೊಸ ವರಸೆ.

ಇಂದು ಬಿಡದಿ ಆಶ್ರಮದಲ್ಲಿ ನಡೆದ ಸತ್ಸಂಗ ಕಾರ್ಯಕ್ರಮದಲ್ಲಿ ಮಾತನಾಡಿದ ನಿತ್ಯಾನಂದ, ನಾನು ರಕ್ತ ಬೀಜಾಸುರ ದೇವ. ರಕ್ತ ಬೀಜಾಸುರನಂತೆ ನನ್ನ ದೇಹದಿಂದ ಬೀಳುವ ಪ್ರತಿಯೊಂದು ರಕ್ತದ ಕಣದಿಂದಲ್ಲೂ ಒಬ್ಬೊಬ್ಬ ನಿತ್ಯಾನಂದ ಹುಟ್ಟಿ ಬರುತ್ತಾರೆ ಎಂದು ಹೇಳಿದ್ದಾನೆ.

ಇತ್ತೀಚೆಗೆ ತನಗೆ ಜೀವ ಬೆದರಿಕೆ ಕರೆಗಳು ಬರುತ್ತಿವೆ ಎಂದು ಹೇಳಿಕೊಂಡಿರುವ ನಿತ್ಯಾನಂದ ಈ ಬಗ್ಗೆ ಕಾರ್ಯಕ್ರಮದಲ್ಲಿ ಮಾತನಾಡಿದ್ದು, ನನ್ನನ್ನು ಕೊಲ್ಲಲು ಸಾಧ್ಯವಿಲ್ಲ ಹಾಗೂ ನನ್ನ ಕೊಂದರೆ ನನ್ನ ದೇಹದಿಂದ ಬೀಳುವ ರಕ್ತದ ಕಣದಿಂದ ಒಬ್ಬೊಬ್ಬ ನಿತ್ಯಾನಂದನ ಜನನವಾಗುತ್ತದೆ ಎಂದು ಹೇಳಿದ್ದಾನೆ. ಅಲ್ಲದೆ ನನ್ನನ್ನು ಕೊಲ್ಲಲು ಸಾಧ್ಯವಿಲ್ಲ. ನಾನು ಕೇವಲ ನಿತ್ಯಾನಂದನಲ್ಲ ರಕ್ತ ಬೀಜಾಸುರ ದೇವ ಹೀಗಾಗಿ ನನ್ನನ್ನು ಕೊಲ್ಲಲು ಯಾರಿಂದಲು ಸಾಧ್ಯವಿಲ್ಲ ಎಂದು ಉದ್ಧಟತನ ಮೆರೆದಿದ್ದಾನೆ.

ನಾನು ಸನಾತನ ಹಿಂದೂ ಧರ್ಮದ ಪುನರುತ್ಥಾನದ ಪುರುಷನಾಗಿದ್ದು, ನಾನು ಕೇವಲ ಕೂತು ಮಾತನಾಡಿದರೆ ಸಾಕು ನನ್ನ ಮಾತುಗಳನ್ನು ಕೇಳಿದರೆ ಸಾಕು ಲಕ್ಷಾಂತರ ನಿತ್ಯಾನಂದರು ಎದ್ದು ನಿಲ್ಲುತ್ತಾರೆ ಎಂದು ಹೇಳಿಕೊಂಡಿದ್ದಾನೆ.

English summary
nithyananda calls himself as raktha beejasuradeva in a satsang programme at his bidadi ashrhttp://www.kannadaprabha.com/top-news/%E0%B2%A8%E0%B2%BF%E0%B2%A4%E0%B3%8D%E0%B2%AF%E0%B2%BE%E0%B2%A8%E0%B2%82%E0%B2%A6-%E0%B2%B0%E0%B2%95%E0%B3%8D%E0%B2%A4-%E0%B2%AC%E0%B3%80%E0%B2%9C%E0%B2%BE%E0%B2%B8%E0%B3%81%E0%B2%B0-%E0%B2%A6%E0%B3%87%E0%B2%B5%E0%B2%A8%E0%B2%82%E0%B2%A4%E0%B3%86!/240714.html#.VBrbIBVOCpA.facebookam.